08/12/2006

عـدّى مول الدّور اسفىّ .. نـاقـش كفه .. نجع اجْـواد الكافر لفـّه
انْعــــدّه ذود إيبــال .. ورَد صــدَر قبْـلـــه دار عناقيـــد
خذنـّــه غزيـــان وْسَنـّـد .. يْـريدنـّه مـــــن بـــرّ بعيـد
خلـص من رعيانـه واحـــــد .. وصَل غوشـَــه في حــال نكيـد
يْفــزّع يـــا رَكـّـاب الـْهَــد .. الـْبــل جَـنـْهــا غــــزيان عَبيـد
تريــس عرايــا مــا له حـَد .. عْــداده ع الميتيــن يْــزيــد
اسْـتعجـل سيــد كـْحيلـه شَـــد .. لحقـْهــا مـن غيـر تجاريد
ونـــاض مْــــع الجـره يلـْهـد .. صــدف قيضـه وايـّــام وميـد
تباعــد في رقــراق اسْــود .. مْضبّــــب يكـْبــر فيــه صهيـد
عْطـش لا طــل ابْلـه لا رد .. وْراحــوا هُـو ويّـــا الكريـد
وْراح اللـّي خايــل ف البَــد .. وْراح الــذود وْراح السّيـــد
ولحْقــه بعْــد ايّــــام مـــدد .. ثــلاثيــن مْــنبـىّ صنـــديــد
ضنـــا يجمعهــم ثاني جـد .. اللـّي مــا هــم خــوت ضنا سيد
بعَــد سطـّاشـر يــوم طـــرد.. وْهـــم لا راحـه لا تـرقيــد
عَـليهــا جبّــوا فــي مْهــود .. نظرْهــم فــي ساعـه القليـد
لقــط جرمــانيتــــــه وامْـتــد .. اسْـرع منـّه جَـوه مهاويــد
تلاقـوا تمّــا يوم اسْود .. وْتـمّـا ضربــه بالتـّـكميــد
الطـّـايـح تمّــا مــا له حـد .. رمـــايــا دون امّ جــريعيــد
مكافــي ع الوجْـه وْع الخــد .. عشـا للغربـــان وللصّيـد
الغـــزْي قـْطـع كلـّـه وْفسد .. وْخلـّـوه هنــاك مْماديــد
وْمــن هلـْهــا مـا روّح حــد .. اللـّي مــا منهـم مــات شهيد
مْجـرّن خلـّــوه مْـقنـّـد .. كراعـه مكســور مْـــع ليــــد
وْهي تمـّت ف الغـوط قـْـنـد.. شرّ وْدفـّه .. لا مْـويّـه لا حـد يعلفـا نْعـدّه بُـــو سالـف ريّــان .. اللـّي مـا له في النـاس مثـَل
اللـّي خـَـزْر عْيونـه فتـــان .. انْ شـبّ علي غفـْلــه يقـْـتـل
الاّ غيــر عْيـــون الشـّيهان .. مثلـْهــــن مــــا ريــت وْلـرْيـَـل
اللـّي خــدّه ف الليــل يبان .. ضـُويّـه في شارع تشعـل
اللـّي يفـْرح بــي كيف نْبــان .. وْيـزهى كيــف عليـه انـْطـل
اللـّـي م ( الفجّ) ومـن ( خولان) .. اديــاره كانــن في لــــوّل
منــازل عـــزّ الـْبــل والضـّان .. كـْحيلـه فيهـن مـــا تنـْغـل
اليـوم حصــل دونـه طليـان .. فريقــه بين نـْــقـط حاصـل
يْعــــزّنـّـه فيـه الـرّحلان .. اللـّي قحْـشن بالمـال الـْـكــل
نْجـوع ( الخرْمه) و ( البطنان) .. وْبرقــه واهالـي الجـّبــل
النـّاس اللـّي كانــوا فرسـان.. اللـّي ما يسّـمّـوا بالــــذل
الــدّيـاره دون الجيــران .. الفـزّاعــه والـدّم يشـل
الكسّايـه للـّي عريـان .. العـزّامه ع الضـّيـف انْ حل
الطعّــامـه للـّي جيعـــان .. الفكـّاكه للـّي واحـل
الـرّكـّابه للـّي رْهـــوان .. يْجــــي فـــايـج لا صـار عكـَـل
مْـنيـن ظهـر جيـش الطليـان .. وْتــــمّ الصّــادي يـــزّلـــزل
وْزغـــــــرت لبّــاس الكــردان .. اللي دوره ممْــوط اشـْعـل
اللـّي مــا درْجـح ف الميــدان .. حصَـل دُونـه باب مْـلسل
وْعــدّي مصْـكـول النـّيبـان .. مـرادك بــابــور مْحمـّـل
وسَـق م الهنْــد وباكستـــان .. حريــر وكشـْميــر مْشكـّـل
بضايـع مـــن غالـي لثـْمـان .. وْركـّــابــه مـن كــل مـْـلــل
وخمْـس الاف مْـن الشبّـان .. مْـن اللـّي فـي الرسمـي خايـل
اولاد مْـلاح فـْلان فـْلان .. وْفـــي سنّ العشريــن الكـل
سوا في الطـُّول وفي لسْنان .. وفـي العلم وفي كـل عمل
مْــن اللـّـي درّب للميـدان .. جميـــع التـّعليم مْــكمـّـل
اللـّي مـو فنـّي في الطيـران .. بــْـرنجـي بحّــار مْسجــّل
وْسافـــر مــن مينـــا سيـلان .. مْــع الفجْــــر البــدْري لــوّل
مْغـــرب جــارد بــــه قبطـان .. توغـّل في المالــح يصْـكـل
هلــب لا ( مسقط) لا ( عمان) .. وْلا فــي ( حضرموت) نــزل
علـى ( المندب) حــــارد حردان.. البُوصلـه بالضـّبــط مْعــــدّل
وفــات علــي ( بورتو سودان) .. مْــع ( كانـــار سويس ) دخـل
بْـــلاد اسكنــدر ذات الشــان .. صقـَــرْ فيهـــــا يوميـن وْمَــل
و(مطــــروح) و ( بردي سليمان) .. و(طبرق) عنـْهـن مـو سايـل
علــي ( درنه) خطــم خْطمـان .. تـْجي عشـْر اميــال مْقبـّل
وصــل ( بنغازي) فـي لامان .. وخــذ منهـــا نـــاس ونـــزّل
( طرابلس) وصلهــا فرحــان .. وْسـافـّر منهـــا مستعجـل
وعـدّا مو نــوي صقـران .. كمـــا بـــرْج بْجيشه راحـل
مبــوّج مشـْيـة يــــوم يْبـان .. تـْـقـول الاّ زيغـار جبـــل
تـْحـق المـوج مْـع لرْكـان .. يْشيّـع لا فــوق وينـْــزل
وْهــو يطـْفـر كيــف الغضبان .. علـــــى الفـــرتونـه مو سايـل
دخـل ( قابس) والمــرسى بان .. فـــرح ربّـانـه قــال وصـل
صْـــدف غوّاصــه للاّلمــان .. قـْــريّــب فاجاتــه تختــل
رمَــت له طربيديـن خـْشـان .. اسْـرع مـــن رمشـــة عين نــزل
مدينـه غرقـــت بالسـّكان .. المــوج غــرفـّـــــا .. في قــاع الدّيمـوم خسفاّ
عـدّى غاليـك يــا عيــن .. اللـّي حاصـل في ثاني بـــر
حصـل دُونه رقـْراقـا شيـن .. تـْـقـول الاّ شيــش امْـكسر
اصْـلاب يْـكيـدن بُـــو قرْحيـن .. خــلا ما تــرْعي فيــه نفـر
خـلا لو يــوم وْلـو يومين .. مسافـه ع الطرقــي توعـر
انْ تمّــت من دون اسبوعين .. وْلا راعيتي بيـت شعـَـر
الاّ صلـْب يْديـر دخاخيــن .. مْــدوّم لونـَـه لـَـــون بحـَـــر
مْســوتـه حــايل دون الزّين .. النـّـاوي مـَــول الـدّور ضْـفـر
شغلت العيـن وعاد تنيـن .. بْـقـولي قالـت مـا نصبـر
مْـنــاي انْ شـالله يبقـى ويـــن .. ضـروري تصْـلـه ما نعْـذر
نْعــــدّوا شــوره ملزوميــــن .. النـّـاوي مــن غيـر تـْوخـّـر
تـْوتـّي ودّك بـو فطرين .. وْ ودّك فـوق خمـاس اشقـر
وْحــال الغايـه فـوق هجيـن .. م ْخــــوّل مـا راعى بنـْـدر
يْـفوج انْ نشـته بالكرعيـن .. خــفاف روايــاه مْـذعّــــر
قـْشط باصــوره بقشاطيـن .. وْفـرشه وكليـــم مـْــنوّر
وقرْبــه دوب يْـروز اثـْـنيـن .. ومتـْـعـه وتـِّـي مَـي بْحكـَر
ودقـْـره نـْمسـه وحـْلاطيـن .. وفـُوشيك مْزوغـد واصْفـر
ارْتـاحـتي قلـْتلـْهـا يـا عين .. انـْسي سهــرايـة عين الحـر
انـْسي سيــرة ضـاوي الجبين .. عليـك سريبـه لا يخـطـر
علـي نـاره دالن ياسـَـيـْن.. طفنـْهـا والله مـــا تكـْـبــر
مْنـاك نـْعــدّه راجل زيـن ..مْسمّـى فــي لوطــان شْهـر
عطاه المولى مـال وْدِين .. شُوي واذواد كبار وْصــر
رْعـاويتــه والخدّاميــن .. زْيـاده عــن ميتين نفــر
وْشوله ميتيـن وسبعيـن .. ولقـْحـه م الميتيـن اكـْـثــر
وعنـْده قيـس اطناشر ضين .. الضّـان ثــلاث مِيّـه بحكـر
وْديمـا يــالاه قيـاطيـن .. مْـربِّـيهـم فـي عـام الشـّر
انْ كاللـي هُو بانــي بيتين .. الواحـد م الـدّوّار اكـْبـَر
وْكلـتهــن طـول ثلاثيـن .. وْمــن جــوّا كــي العنابـــر
وْتاهــن من مصر وْم الصّيـن .. سحـاحير وْشلـْت مْسطـّر
وْفـــرش وْكسْيــه وْبطاطين .. وْكـلـْمـان وْهــدْم مْشنـْـوَر
وْحاجـب جوّاهـن بنتيــن .. الوحْدَه منهــن كـي القمــر
لـْهــا دور يْطيـح عَراجيـن .. لـْهــا خـزْر مْيامـي يقـْهــر
لـْهـا شفـْــه كيــف المرْجين .. لـْهـا مضـْحـك عاج مكسّر
لـْهــا تحـت الطـّرحه خدّيـن .. كمـا ورْد جْنــــان مْـنـوّر
وذرْعتـا كيــف السّيفيـن .. اللـّـي حلـوهـــــن بالجوهـر
وبرْضـــه ما ملـيـن له عيـن .. عليهـن عايـش ويْـقشْـعــر
وْدايـر ممْشـى لــه عاميــن .. علـي خرخُوطـه مَـي في بر
قبالـه قـــــدّام الحيّـيـن .. علـي لطـْـلـق ما فيـه غثـَر
الاّ هـي هلـْهـا مضبوطيـن .. وْميدوبيـن اصْحـاب عَصَــر
وْهُــو ما هـّو م الـّـلقاقيـن .. علـى البطـّالــه مــا يجْسـر
تذكـّـر ما زالـن يوميــن .. علـي لجْـلـه لازم يحْضــر
فتــحْ شنـْطـه فيهــا قفلين .. وتمّــا يلـْبــس نيــن جْضـــر
الكـاط سمــاوي خَيْــره عين .. الاّ الجـــرد طـْرابلـْسي حـــر
وْحَمْـــرا بصْـكلـْهـا رطـْليــن .. وْبرنـُـوس مْـكلـّـف باصْـفــَر
وْنابــىَ صبّــوا لــه عبديـن .. وْ واحـد م الخدّامـه حـــر
وقـال كــذا شـدُّوا في الحين .. حْصانـي ، قالــوا له : حاضـر
سفــوا لـه عــدّه فوق متيْــن .. ترّجّ الدنيــــــا وَيــــــن هَــدَر
ازْرق مربـــوط بْسلـْسلتيـــن .. مْغيــر يْصاصــي متـْجضـر
عَـلـُوق وْراحـَه وتـْصُوبيـن .. وْضلاّليـّـه وان الحـــر
وْفـي وان الصـّقــْع جْـلاليـن .. وْسايــس ديمــا مسْـتنـْظـر
شبا به كيــف رْكب ميليـن .. مَحــطّ نْصُـورَه دار حْـفــر
مْـنيــن توَكـّى لـورا زيـن .. نـْعالـه جـا هنــاك يْـفــر
طلبْـهـا خذْهـا بحـْلاويـــن .. انْظـر كمْ حــقّ وْكــمْ فاطـر
سْياقـه ذبّحــن ثوريـن .. وْحــقّ وْعشـر كـْباشه غـــــر
وْزفـّوهـــا فــي كرموديـن .. وْفـرحَه يـــوم العيـد ظهَــر
وْعـاد الصفـّاقـه شوطيـن .. وْحجّالتــم تجّـرجـر
وْهـم في لعْـب ومبْسوطيـن .. شـْـوي جاهـم عيـّـاط يْصر
وكيــف وْصـل قال انتـــوا وين .. اهُـــو جيش الطليــان ظهــر
احتاسـوا تمّــوا مخـْـتبليـن.. خْــرب ملـْعبهـم راح كـــدَر
انـْهــدّوا شـور عْــداي الدَّيـن .. بْطليــان طـْــوال وْبدْقــَر
وْجـــــوا لمْصـوّع منـْهــدّيــن .. وبنـْـده جتّم تــدّافـَــر
وْعـــاد عياطــات نساويـن .. صريـــخ وْجضـّـه يـا ساتــر
اللـّي من خال كحِيـل العيـن .. اشـْهــر يومتـّا جـــاب فخـَــر
عمَــل فيهـم بيـــزارا شيــن .. اللـي يهْمــت شوره يحْدر
يْطيّـح ف المشـوار اثـْـنين .. وْيقــدع ويْجيهـم كـاسـر
ادّاعـن شوره كـرهبتيـن ..بْطلـْق الرشـّــاشـات حْـقـر
اسْـتشهـــد ومْعــــاه ثمانيـن .. ضنــا كانــوا فرسـان اشْهـــر
وكيــف قـْـتـل ناضوا لخـْريــن .. اللـّي لـــته طــول ايّــام ظهـَـــر
وبـــخّ فريقــه بالبنـْــزيـــن .. وعــاد فيــــه النـّـار تـْــوزْهــر
عـَـــزا فيهـــم جبْـتـه للعيــن .. وْقـْـلــت يْعـزّيهـا واكـْـثـر

مع تحياتي / الباحث / احمد الحوتي
ahmed_alhuoty@yahoo.com

______________
المصدر: ديوان الشاعر
 

أرشيف الكاتب