04/10/2006 |
|
|
|
|
|
حكايات(4) |
|
|
10- حكاية سلطان كان يا ما كان, في قديم الزمان كان فيه سلطان, و اسمه عمران اسمه كان عنوان, للزرع و البنيان الناس أيدوه, و بجلوه و على روسهم رفعوه سمعوه و طاعوه, و بكل غالي فدوه مجدوه و دللوه, و قريب ألهوه
* * * كبر راس السلطان, من غير تيجان تولد في رأسه جعلان, و صار ثعبان و بدى في الناس قتلان, و في الزرع حرقان لاموه نصحوه, و الحق وروه ذموه نكروه, شتموه و هجوه رفضوه عارضوه, و بعدين هجروه
* * * فات الأوان, و كبر الثعبان في راس السلطان و من بعد كان انسان, تحول الى شيطان و تحالف مع الشران, من انس و جان احتاروا الناس, و ركبهم الوسواس و من بعد ياس و ياس, قرروا الافتراس و تمترس الحراس, من جنة و ناس
* * * تجمع الفتيان, الرجال و النسوان و التقى الجمعان, وكان لهم ما كان اقتحموا الجدران, و هرب السلطان تعقبوه و يأسوه, لكنهم بعد زمن في حفرة و جدوه أخرجوه و أمسكوه, و أعلنوا في الناس ان يأتوا يشاهدوه حجزوه و سألوه, عن كل ما عهدوه و ما عاشوه
* * * من راس عمران, طل ثعبان طلب الامان, و طلب الغفران و قال يا ناس, عامة و حراس الذنب ذنبكم, و العيب عيبكم انتم من زرع البذرة و انتم من يحصد
* * * واحد من الناس, لا صبر لا احساس رفع يديه فووووووووووووووووق, و جاب الفاس في الراس تفرق الناس, و انتهى الوسواس ومن لا يصدق, يسأل و يراجع تاريخ الانسان, وتأريخ الناس
* * *
11- الحوادث و الحساب
من محاضر تحقيق الشرطة: 1- كنت ماشي بالسيارة, مع أطفالي الخمسة للمدرسة, السيارة اللي قدامي نحسابها بتدور زدت في السرعة و لقيت روحي على هذا السرير في المستشفى و انا ما ندري على صغاري ويش صار فيهم؟. 2- و الله اشتبهت فيها ببربشتها بمسمار و ما نحسابش بتنفجر و بتقطع لي يدي و بتدير فيا هكي!!. 3- هو طريق اتجاه واحد و حسبته مزدوج دخلت و كان الحادث!. 4- الطريق حسبتها فاضية و ما حسبت واحد يطلع علي و يوديني المستشفى!!. 5- الفيزقا كانت في ايدي و ما حسبت انها تولي عليا و تخترق جسدي!. 6- الضو كان اخضر و ما كنت نحساب ان احدهم قد يخرج و يسبب لي ما سبب من اعاقة!!. 7- نحسابه عادي فتح الرادياتوري و السيارة سخونة...! 8- ما كنت نحسب ان حاوية قد تقع على الناس...!! 9- نحساب روحي ربطتها كويس لكن و ين جت في الكوربة مالت و طاحت...! 10- كنت احسب ان تيار الكهرباء مقطوع ....!! 11- نحساب بنلحق على الفطور مع المغرب...! 12- نحسابه قوس طلعلي جمل...!! 13- حسبته بيقطع قبل لا نوصله....! 14- نحساب الجماعة طفوا النار...!! 15- نحساب روحي في الدور الارضي .....! 16- نحسابه بيقف... 17- ما نحسابش روحي شربت....!! 18- نحسابها تمشي...! 19- نحساب روحي...!! 20- ما نحسابش روحي....!! ............................................................؟! أليست المشكلة مشكلة حساب؟؟؟!!! ماذا ينبغي فعله؟ زيادة حصص الحساب؟؟
* * *
12- تعليم اللغة العربية للأجانب
أجنبي (أ): أنا يا هاج جيت هنا و انت ما يلقى مواطن (م): انا رهت سوق اشري بذاءة لمهل أ: انت شريت سمنت و هديد عشان سبة يا هاج؟ م: انا كبل يوم روح سوق هديد ما في سمنت مافي كلو قالي قالي هلبة فلوس؟ أ: شنو مشكلة هاج انت فيه فلوس, انت تجارة خدمة فلوس كتير, انته مش دايي كرض.. م: هيه يا بابا .. انت عارف البير و غطاه, سوق موش كويس هذا يوم, سوق موش كويس بكل.. أ: انت شنو فيه مشكلة بير يا هاج.. انا اسله بومبة مية ما فيش مشكلة.. م: ميه فيه, قزة فيه, مشكلة سمنت و هديد أ: مسنأ اسمنت فيه شقل, مسنأ هديد مصراته فيه شقل, و ين يمشي هدا سمنت و هدا هديد؟ م: خدوه السهاه, البزناسة, السماسرة, جماعه كتف كبير.. أ: هاج انت كتف كبير, شوف كتف انت كبير كبير, انت كتف كبير, جيب فرمله كبير م: هدا كتف سمين مش كبير, كتف كبير فيه نجوم, فيه تاج, فيه دجاج أ: أوو هاج, انت ياكل لهم وطني, كروف وتني, عسل تبيئي, كبزة فرن, بازين, انته في ليل زمرل دق مسمار ملءق, انته مدام كل ليله لييس م: ايه وين هداك زمان, فكرتني في التملعيق, انته يعرف يملءق؟ أ: اوه يا هاج, انا ملعق ابني زلز زوق دق مسمار كله فيه كلو كلو م: فكنا من دق المسمار, كويس انته بعد يوم ممكن ملعق واجهة هوش, بادين كمل صبة دور تاني, شوي شوي سبيتة سبيتة.. أ: هاج سبيتة سبيتة للي فاذي, و اللي حال كويس زي انته, انا فيه مدام فيه ببينو عايز فلوس بسرأة.. م: ياهم الفلوس, سبر سبر راس شهر انا انته كلص, أوكي؟ أ: أوكي أوكي هاج, كويس كويس انت كويس كتير هاج انته هبيبي م: هبيبك بفلوس, ما فيش فلوس.. انا شنو اندك؟ ...
* * * و الى حكايات قادمة أستودعكم الله
البشير بن محمد
|
|
|
|
|
