1ـ عناوين الغد .
الأول : وين تسكن
توه ؟! .
الثاني : شفت مكان
النهر الصناعي مش داروه مصنع بلوك .. نسكن فرابع زنقة ع اليمين ! .
الثاني : وأنت وين
جت طبتك ؟! .
الأول : مش بحيرة
23 يوليو نشفت .. حصّلت فيها قطعه 200 ميترو قاعد نبني فيها ! .
2 ـ تشابه مواقف .
ـ اتفيه عليه .. مش
كان طول النهار يبقبق .. ليش سكت توه ! .
* بشواش عليه يا
راجل .. باهي اللي داير عزم ويدوي ! .
ـ رخاني فوقت الشدة
يارا .
* معليش بعذره .
ـ خسارة لو كان ما
هو " سوني " وملوّن ! .
3 ـ الصراحة راحة .
الأول :
حصلت نصيبك من الثروة ؟! .
الثاني :
لا والله .. شنو أنت حصلته ؟! .
الأول :
لا ! .
الثاني :
باهي ليش تنشد ؟! .
الأول : غير قلت
بالك حصلته انت بيش نحسدك !.
4 ـ شفافية .
ـ شنو رايك فالهني
! .
* باهي لو كان
ينحّو منا الواحد ! .
ـ هكي ! .
* إينعم ! .
5 ـ تعددية .
ـ أنت معارض ..
وإلا معارض ؟! .
ــ
لا .. أنا معارض .
ـ آآه .. غير
أحسبتك معارض بس ! .
والسلام
عيسى
عبدالقيوم
(*) " خمسه " لفظ ليبي دارج
يعني خمسة دقائق مستقطعة .
(**) سقط سهوا الاشارة الى
أن الصور منقولة عن ألبوم موقع " عين ليبيا " العائد الى الشبكة بتألق وحيوية .
ألبوم صور المقهي الثقافي ببنغازي تجده تحت هذا الرابط :
http://www.libyaeye.net/culter%20negative/coffe.htm
|
