لأول
مرة بالإتجاه المعاكس: القذافي .. والمواطن الليبي
((قبلي صرهادي))
وجهاً لوجه بحوار حر(الحوار من ثلاثة أجزاء ...)
الجزء 2
لنتابع الجزء الثاني:
وهل قرر الليبيين مثلاً تسليم المعدات والأجهزة للمفاعل النووي ..
ومايسمى أسلحة الدمار الشامل لديكم ..مثلا بمؤتمراتهم الشعبية تلك ... ولعل
كلمة مدير الطاقة النووية خير دليل على كلام السيد صرهادي ..أذ قال الدكتور
البرادعي: لم نجد اسلحة الدمار الشامل يليبيا ولكننا وجدنا الدمار الشامل
بليبيا ... فماذا سترد هنا بالتحديد ؟
أيه قرر الليبيين ذلك في مؤتمراتهم الشعبية وبحرية تامة .. وبعدين من
اللي قال أن (البرادعي) قال هال الكلام.. يادكتور
فيصل.. هادا تسريب لإشاعات أنت مسؤول أعليها ... زين ...
وبعدين كيف هال الانجازات كلها من طرق.. لنهر صناعي ..لعمارات,
لمستشفيات أتقول عنها دمار شامل .. أه ؟
عفواً ..عفواً ..عفواً .. سيادة العقيد ..هذا
الكلام موثق للسيد الدكتور البرادعي .. وعلى العموم سأوجه السؤال للسيد (قبلي)
.. هل كان محقاً السيد البرادعي بذلك القول ..
وهل بالفعل انتم كاليبيين قررتم أنشاء مفاعل نووي ..
وبعد ذلك تسلموه لأمريكا أي بتكلفتها التي لا تقل عن خمسين مليار
دولار من أموالكم .. هل تم ذلك سيد (صرهادي) ..
وأيضاً اجل ألم تكون هذه الانجازات علامة مضيئة بليبيا ...السؤال موجه اليك
سيد (قبلي).
لم يتم ذلك دكتور فيصل .. والشعب الليبي لم يقرر لا نووي.. لا ..
مكرونة .. والشعب الليبي كله شاهد والله
خير الشاهدين .. وهذه نقطة .. النقطة الثانية توا أنت سيد (فيصل) هل من
المعقول أن بيتك لم تدخل عليه أي صيانة ولا حتى طلاء من مدة 38 سنة ...أذا من
الطبيعي أن تكون هناك أشوية طرق ليسير عليها القائد بجولاتها وصولاته ..
ومستشفيات .. وغيرها بليبيا ... وخاصتاً أن ليبيا
دولة غنية وغنية جداً .. لكن الغير طبيعي هنا أن
الليبي يبيع بمدخراته المتواضعة وبيته ليذهب للعلاج بدول الجوار, أذا لا
مستشفيات بليبيا .. وهل سمعت أن هناك ليبيين
يسكنون الأسطح, وكم عددهم هال الليبيين ؟ ... هل سمعت أن بليبيا قد سكن الناس
بالأنابيب وأمام مقرات اللجان الشعبية وبالهواء الطلق .. وأن هناك اسر كبيرة
تشتت بسبب عدم حصولها على مسكن يؤيها وأعيالها ببلادها ليبيا الغنية ...أذا
لا مساكن بليبيا .. لكن البودعة اللي سمعتها تحسابها هي لوله ولا الأخيرة
ياسي فيصل ـــــــــ
أحترم نفسك يا حيوان ... يا عافن .... يا
راس العجل ... أحترم نفسك يا شكل المعفن وأعرف أنك
تتحدث مع أكبر خط أحمر ــــــ
أرجوك.. أرجوك.. ارجوك ...
سيد القائد ... أرجوك.. أرجوك.. أرجوك سيد
قبلي .. ارجوك ... لا داعي للتجريح الشخصي بهذا
البرنامج. لتكمل سيد (قبلي صرهادي) ولكن دون أي تجريح...
أرجوك.
باهي ..أكويس .. عندما قرر السيد القذافي مشروع ما يسمى المفاعل
النووي الليبي ,,هل سأل الشعب الليبي, تي ماهو أيقول أني مش رئيس والقرار بيد
الشعب, أكويس ... من اللي سحب هذه المبالغ من خزينة ليبيا ,, الشواطين خذتها
ودارت لمبات نووية وبعدين لا أحم لا تستور سلمتها لأمريكا !؟ أذا كنت تكذب
على الشعب الليبي ديما يا سي القائد .. وهما الليبيين عارفين هال الكلام
أكويس ... وهذا الدليل على ما أعتقد كافي لكذبة سلطة الشعب ...أما المصروفات
من المال الليبي فحدث ولا حرج على سرقتها ... أكويس سؤال أخر لو سمحت ..
هل من مرتبك دفعت طبعات الكتاب الأخضر مثلاً أو من مرتبك دفعت مخصصات
تدريب أبنك على يد العداء الأمريكي (بن جونسون) أو من مرتبك دفعت الملايين
لنادي جوفانتس الإيطالي.. أو من مرتبك صرفت الملايين على علاجك وعلاج الحاشية
بل حتى على الأبل اللي تملكها ـ أو من مرتبك تشتري الخيم المكيفة ــــــ
هذا خروج على موضوع الحلقة.. هذا كلام فارغ..
هاادا هراء .. وكلام مش مسؤول .. وأنا احمل
قناة الجزيرة كامل المسؤولية أعليه .. أيه كامل
السؤولية القانونية ــــــ
نعم ... نعم ...
ستتحمل الجزيرة كامل المسؤولية .. ولكن الرجاء دعه
يكمل ... أرجوك سيد القذافي ..
دع السيد قبلي يكمل حديثه .. تفضل سيد قبلي.
بلاش ... بلاش .. تراه قولي أين عائدات
النفط الليبي من عشرات السنين ... وليش فيه ليبيين واجدين يشحتوا ... وليش
... حياتهم أقعدت ما أتقول إلا أدوارت حس .. وليش
المرتب الليبي أقل مرتب بالمنطقة والنفط عندنا بحيرات الله ـــــ
أسمع ... أسمع ...
أسمع سلم ولدي, أولأ عائدات النفط اللي تحكي عليها ...
أأ.. أهي موجودة كلها, واذا ما تعرفش ودماغك أمسكر ...
هاوينة حاجة أسماها (المجنب) ... والمجنب هادا فيه الفلوس كلها ...
أمالا تبيني نعطيها لكم بيش تشروا بيها شكلاطة ولا بلونات والخط ولوح ... يا
فالح ؟ ــــ
(المجنب) هذي في أي علم أقتصادي بالله ؟ ...
ويبقى جيت للكلام يا قذافي ... وانت اللي أتقرر مش الليبيين ...
وبعدين أنت بوهم الليبيين ولا شنو ...تي بلكي أمعقبك لنا جدنا الليبي..
لـــول... ونحنا مش عارفين ... تي يشرو شوكلاطة
ولا حتى سم أسحنتي ... أنت شنو دخلك أه ... واو
... ولا واو... بلا تي هضا شنو ؟ ــــ
ارجوك سيد قبلي .. أرجوك لا تقاطع ودعه
يكمل .... تفضل سيادة العقيد.
المرتب ايه من أعلى المرتبات بالمنطقة ...
أنت قداش تاخذ .. تي أنت وين تخدم .. وين تشتغل
... يا شلتوته ؟
حماية البيئة يا قائد ,, وليا سنتين ومعاهن ... نو مرتب ...
وداير عدة أمتاع مجاري وماسك راس الشوكة ... ومرتبي اللي زمان كنت
ناخذ فيه 180 دينار لاغير.
تي توا شوف العوج يا دكتور فيصل .... قال المرتب له سنتين موقوف ...توا
هادي مسؤوليتي بالله ؟ ثانياً قال أن مرتبه يساوي 180 دينار جماهيري...
زيــــن ... اذا أنت تتقاضى بما لا يقل عن .. مية
وأثمانــ يـ ... ن ضرب ثلاثة وربــ ع يبقى تاخذ في
أكثر من خمسمية دولار يا فالح ...توا هادا مش مرتب مرتفع بالله علي واحد يخدم
بالخزازين ... لوكان هال المرتب تصرفه في مصر مش أيعشك اربع أشهور يا مجاري
,, وبعدين نسا هال (القبلي) أن التعليم لفروخه مجاني والصحة والدوا مجانية ,,
ولا مش عارف هادا يا فالح .... ؟ وبعدين لوكان نبحث على هذا الصرهادي نلقاه
يا يخدم على سيارته الخاصة ... يا فتحلي دكان وداير أحتكار في البلاد ... يا
مرات داير حاجات مشبوهة.
أذا أنت مخطئ سيد قبلي ...فأنت موظف بحماية البيئة ...وتأخذ في أكثر
من خمسمئة دولار أمريكي كمرتب من الدولة الليبية .. يبقى على ما أعتقد أنها
بحبوحة ...كيف سترد سيد قبلي على هذه النقاط ؟
أكويس سأعطيك الحقيقية الموثقة والرجاء عدم مقاطعتي بهذا الأمر ...
وإذا أنا لا أقول الحقيقية بالله .. أي واحد من الداخل يتصل ويقول أني أكذب
أو أكلامي غير صحيحة .... دون مقاطعة الرجاء ...
أولاً منذ نهاية الثمانيات أذ كان القانون 15 ساري المفعول ولزال حتى اليوم
... بالفعل كان الجنيه الليبي يساوي تقريباً 3.25 دولار ... وكانت قد بدأت من
زمان المعاناة لليبيين كافة من فرض تربية الدجاج فوق الحواشين .. إلى نظرية
الموزع الفرد إلى التأخير بالراتب إلى تحول البلاد إلى شبه جرداء ..فتمشي
بشوارع طرابلس وبنغازي وكل المدن وما تلقى فيها محل ايبيع ...لبلاد ما أتقول
إلا ساكنها البوم ... المحلات كلها أصبحت رجعية
وأقفلت بقرارات مايسمى البرجوازية ... وبعدين...
طب ... زن قعد الدولار الواحد يساوي 3 دينار أو
أجنيه ليبي ... أكويس ... يعني مرتبي ولنفترض أنه 180 دينار أي يساوي ...
مية وثمانين تقسيم ثلاثة يساوي 60 دولار أمبريالي ... ومش هكي وبس
أسعار اللحم مثلاً من 2,60 دينارأتنــــطر إلى 10 و15 دينار.. ولو أعد اليك
القائمة لا تنتهي هنا ... وهنا نسأل هذا المفكر الاقتصادي عن حالة المكر التي
يدور بها على الشعب الليبي... وليش الليبيين
أقعدوا العدو رقم واحد بالنسبه له .. وكراهية بدون حدود... مش أمتاع (أحمد
منصور) على فكرة .. وأنا أساله هنا ...
ليش أمخلي الليبيين أعدائك وانت تنعم بفلوسهم ومسلحب كل قوتهم ؟ ليش
.. واي.. لماذا ؟ وبعدين أي صحة مجانية هذي صحة في
الزكمة بس والدوا أكبر دولة فيها الدوا غالي هي ليبيا وتعال لليبيا وشوف
المجانية اللي يحكي عليها ..صح في العهد لول مزبوط ..لكن توا يا سي بالقاسم
لا.
عفواً ..عفواً سيد (صرهادي) على المقاطعة هناك أتصال هاتقي من داخل
ليبيا .. تفضل سيد (برهوم) من ليبيا ولو سمحت
بإيجاز لوقت البرنامج ... تفضل:
الو ...الو ...الو
...أحم ... الو ...الو ...الو ... (نحن نسمعك سيد برهوم تفضل) الو ...الو ..
الو ...الو ...الو ...تسمعوا فيا .....(نعم ... نعم) الو ..باهي باهي باهي
... تي توا هادا الكبش اللي أسماه شرهادي ولا صرهادي ... تي والله ما أيتحشم
على وجهه باهي .. تي هادا أني نعرفه أكويس ..تي هادا مدسوس ... وعميل ورجعي
وخاين ... والكلام اللي أقول فيه كله غلط وعاري ما الصحة ..
تي ماهو صيورك أمروح يا غالي وتوا تشبح هال الفـــترمة وين أتشيلك يا
عافن ... أمشي أسال كل الليبيين يا دكتور فيصل ..توا
أيقوللك الحقيقية ... أما أمثال هال البرمة اللي قدامك هضومه راهم عملاء كيف
عملاء العراق اللي جو على الدبابات الأمريكية ــــــ
(عقواً .. عفواً ..
سيد برهوم السيد قبلي صرهادي من داخل ليبيا وليس من خارجها ولو سمحت
لا داعي.
أهو نموذج من الحياة بليبيا ... شوف
التربية العقائدية والفكر لخضر .. أهواه نموذج على
الهواء الطلق .. وأهي طلعت عمتنا الدبابة الأمريكية ... هذا نموذج على
الشفافية بالمؤتمرات الشعبية .. هذا النموذج اللي
دس فتحي الجهمي تحت قانون اللجان الثورية ودس غيره وغيره ... وهكي أصبح يشار
للتخلق لنا ... أهماه المتخلقين أهماه ــــــ
حسناً سيد (قبلي صرهادي) .. السؤال موجه اليك أيضأ ... ولكن لماذا هذا
الهراء الذي تنطق به الآن .. لماذا لا ترى إلا الجزء القاتم بالموضوع ولا
تنظر إلى الجزء المضيئ .. من أفضال الثورة والنظرية العالمية الثالثة عليك
وعلى كل ليبيا... هي عملية التحول المستمر بليبيا
.. الم تتعرض ليبيا للحصار الدولي الغاشم لمدة طويلة ,,
وكانت له الأثار السيئة على الحياة بليبيا وأقتصادها هذا أولاً ...
وبعد ذلك الم يكون من الحكمة أن نطأطئ الرأس عند الموجه الكبيرة ..
ألم تتعرض ليبيا وتتصدى لأكبر دولة بالعالم ألم تكون حكمة القائد
عظيمة لكي لا يصاب الليبيين بأي أذى .. كما نراه ما يحدث من دمار بالعراق أو
الصومال أو حتى بغزة .. مثلاً ؟
أنتهى الجزء الثاني من الحوار.... ترقبوا
الجزء الثالث والأخير....
مساهمات سابقة:
سعرالبرميل
النفطي 86 دولار
هل تم القبض على الخائن
؟
حسن الأمين وأفواه للحربوات الناطقة
الغولة وبنياتها والحليب.. والإيدز
|
